Dec 10 საერთაშორისო მოძრაობა “Youth Time” (“ახალგაზრდების დრო”)

ჩვენს შესახებ
საერთაშორისო მოძრაობა “Youth Time” (“ახალგაზრდების დრო”) არის არაკომერციული, არასამთავრობო, აპოლიტიკური, დამოუკიდებელი ორგანიზაცია, რომელიც დაარსებულია მსოფლიოს სხვადასხვა ქვეყნების ახალგაზრდების მიერ  მომავალი ცხოვრების უზრუნველსაყოფად  საერთო განვითარების  გზების ძიების მიზნით.

ჩვენი ხედვა
ახალგაზრდა თაობა წარმოადგენს გლობალური გაერთიანების ყველაზე აქტიურ ნაწილს. ახალგაზრდებს სურთ,  შექმნან და იხილონ თავიანთთვის და შემდგომი თაობებისათვის ჯანსაღი მომავალი.  ჩვენ მოვუწოდებთ მათ, მონაწილეობა მიიღონ  ისეთი დამცავი მექანიზმების განვითარებაში, რომელსაც შეეძლება შეაკავოს კულტურული განსხვავებებისადმი არსებული არაკეთილგანწყობა, მოახდინოს ცხოვრების პირობების გაუარესების პრევენცია, წინააღმდეგობა გაუწიოს   მსოფლიოში მზარდ არაპროგნოზირებადობასა და სხვა ტენდენციებს, რომელიც ხელს უწყობს სოციალურ სფეროში ნეგატიური მოვლენების განუხრელ ზრდას.

მოძრაობის ამოცანა
სხვადასხვა სფეროში მომავლის პროექტების შემუშავება, განხორციელება და სინქრონიზაცია, თაობებს შიგნით და თაობათა შორის აქტიური დიალოგის ხელშეწყობა, ახალგაზრდების წახალისება აქტიური პირადი და საზოგადოებრივი საქმიანობისადმი.

ჩვენი მიზნები
•    საერთაშორისო მოძრაობა “Youth Time”-ის („ახალგაზრდების დრო“-ის) პრინციპების და ფასეულობების ხელშეწყობის მიზნით პლატფორმათა ქსელის შექმნა;
•    კულტურათაშორისი და თაობებს შორის აქტიური დიალოგის წახალისება ღიაობის, თანასწორობის და პატივისცემის პრინციპებზე დაყრდნობით;
•    თაობებს შორის ცოდნის, ღირებულებების და გამოცდილების გაზიარების პროცესის გაადვილება;
•    კულტურული და ეროვნული იდენტობის დაცვა საყოველთაო და ადგილობრივი ფასეულობების აღიარებასთან ერთად;
•    ახალგაზრდებისადმი არსებული გამოწვევების შეცნობა;
•    საერთაშორისო მოძრაობა “Youth Time”-ის („ახალგაზრდების დრო“-ის) პრინციპებისა და ღირებულებების ხელშეწყობის მიზნით ახალგაზრდა ადამიანების მოწვევა;
•     საერთაშორისო მოძრაობა “Youth Time”- სა („ახალგაზრდების დრო“-სა) და სხვა მეგობარ ორგანიზაციებს შორის კავშირის დამყარება და თანამშრომლობის გაღრმავება.